नाबालिग लड़के के साथ यौन हिंसा के कोशिश

जिला महोबा, ब्लाक कबरई, थाना क्षेत्र के मोहल्ला के एक दलित परिवार को आरोप हे कि मोहल्ला के नरेश सिंह ने 22 अक्टूबर 2014 खा लगभग शाम 6 बजे ऊखे दस साल के लड़का के साथे यौन हिंसा करें की कोशिश करी हे। ईखी रिपोर्ट हमने कबरई थाना में करी हे।
लड़का ने बताओ कि मोये मताई बाप बाजार सामान खरीदें गये हते। में अपनेे घर में बकरी बांधत हतो। तभई मोहल्ला को नरेश सिंह आओ ओर मोये दुकान जायें के बहाना करके लिवा गओ। मंेने सोचो कि नरेश द्वारू मगांये खे लिवाये जात होहे, पे ऊ मोये लाला भइया के पहाड़ में लिवा गओ। लड़का ने बताओ कि नरेश सिंह मोय पहाड़ मे लये जात हतो तो मेने मना करो। तभई नरेश ने मोये शोर मचाये पे पहाड़ से धकेल देय ओर जान से मारे की धमकी दई। नरेश ने मोये सब कपड़ा ऊतार दये ओर बालात्कार करें की कोशिश करन लगो। तभई मोओ भाई मोये ढूढ़त ओतई आ गओ। जीसे नरेश मोये छोड़ के भाग गओ।
लड़का के मताई बाप ने बताओ कि हम दलित जाति के आदमी हें। अगर मोओ बड़ा लड़का ओते न पोंहोचत तो शायद नरेश लड़का खा जान से मार देत। कबरई थाना के एस.ओ. रमेश कुमार पटेल ने बताओ कि नरेश पकर गओ हे। ऊखे ऊपर धारा 377 (बिना सहमति के किसी लड़के या पुरुष के साथ सारीरिक सम्बन्ध बनाना), 511 (जुर्म का प्रयास करना), पाक्सो एक्ट अधिनियम ओर एस.सी.एस.टी एक्ट के तहत मुकदमा लिखो गओ हे। नरेश सिंह ई समय जेल में हे।