नहीं लाग सौर ऊर्जा के मरकरी

जिला चित्रकूट, ब्लाक रामनगर, गांव खटवारा, दलित बस्ती। हिंया सौर ऊर्जा के तहत एकौ मरकरी नहीं लाग हवैं। सौर ऊर्जा के मरकरी लगवावैं खातिर प्रधान रामनाथ से जुलाई 2014 मा कहा गा, पै वा कउनौ ध्यान नहीं दिहिस।
बस्ती के रामसिया, कोदूराम अउर इन्द्रपाल का कहब हवै कि अगर रात मा बिजली चली जात हवै तौ अंधियारा होइ जात हवै। हर गांव का प्रधान सौर ऊर्जा के तहत मरकरी लगवाये हवैं, पै हमरे गांव का प्रधान रामनाथ बस्ती मा कत्तौ मरकरी नहीं लगवाइस। सौर ऊर्जा के मरकरी लाग जाये तौ बिजली जाये के बाद भी उजियार रही। यहै से प्रधान रामनाथ से कहे हन, पै वा पुरवा मा न तौ आवत हवै अउर न सौर ऊर्जा के मरकरी लगवावत आय।
प्रधान रामनाथ कहिस कि बस्ती मा सौर ऊर्जा के मरकरी लगवावैं खातिर ब्लाक मा 30 दिसंबर 2014 का लिखित दरखास दीने हौं। हुंवा से पास होइ तौ मरकरी लाग सकत हवैं।
रामनगर ए.डी.ओ. विन्दा प्रसाद कहिन कि फरवरी 2015 तक प्रधान से कहिके मरकरी लगवा दीन जई।