नहीं मिलत पानी

gavan

जिला चित्रकूट, ब्लाक मऊ, गांव सुरौंधा का पुरवा महादेव। हिंया के आबादी लगभग तीन सौ के हवै। येत्ती आबादी मा तीन हैण्डपम्प लाग हवै। वहिमा से एक हैण्डपम्प एक महीना से खराब हवै। या कारन दूसर हैण्डपम्प मा लाइन लगावै का परत हवै।
हिंया के मेवालाल, छेदीलाल अउर शिवप्रकाश समेत लगभग दस मड़इन का कहब हवै कि तीन हैण्डपम्प लाग हवै। एक हैण्डपम्प खराब हवै। पानी भरै खातिर लाइन लगावै का परत हवै। हमार घर का पूर काम परा रहत हवै। इनतान के गर्मी मा पानी पियै खातिर नहीं मिलत आय। यहिके खातिर कइयौ दरकी प्रधान रामसजीवन वर्मा से कहा गा,पै वा नहीं सुनत आय।
प्रधान रामसजीवन वर्मा का कहब कि वा हैण्डपम्प बनावै खातिर ब्जाक मा पन्द्रह दिन पहिले लिखित दीने हौं। पास होइके आ जई तौ नवा हैण्डपम्प लगवा दीन जई।