नहर के कूड़ा से जल बर्बाद

f kasba koodaaजिला अम्बेडकरनगर। तमसा नदी के बगल नगर पालिका के सफाई कर्मी कूड़ा कै ढेर लगाय दिहे अहै जेसे नदी कै पानी दूषित हुवत बाय।
रवि, सोनू, रामकुमार बताइन कि जुड़वा कस्बा शहजादपुर अउर अकबरपुर के बीच महकी तमसा नदी निकरी बाय। नगर पालिका प्रशासन कै सफाई व्यवस्था भारी होय गै बाय। अम्बेडकर नगर से निकरै वाला कचरा तमसा नदी मा डारा थे जेहिसे नदी कै पानी दूषित होय गै। हवा से कूड़ा इधर-उधर उड़त बाय। कचरे कै बदबू से लोग कै जियब दुश्वार भै बाय। तरह-तरह कै बीमारी फैला थै। वहीं कै रहै वाले मनई नगर पालिका का कइयौ बार शिकायत करिन लकिन कुछ भा नाय।
नगर पालिका अध्यक्ष चन्द्रप्रकाश वर्मा बताइन कि जब कीन जात बाय तौ तुरन्त जांच करायके उनके विरुद्ध कार्यवाही कै जाये।
सड़क पै कूड़ा, फैलत बीमारी
जिला फैजाबाद, ब्लाक मया, कस्बा गोशाईगंज, तेलियागढ़। हिंआ गली के सामने एक हफ्ता से ज्यादा होय जात बाय कूड़ा जमा बाय।
सगीर, मोहम्मद हसन बताइन कि दस दिन होइगा बाय ई यइसे लाग बाय यहीं हमरे सबके दुकान के सामने पूरे मुहल्ला कै मनई लायके फेक दिया थिन। अउर जब हवा बहाथै तौ सारा कूड़ा उड़िके दुकान मा आय जाथै तौ ऊपर से मुहल्ले कै लोग लड़ाथिन। हियां पै खड़ा नाय होय जात लकिन मजबूरी बाय दुकान होय से रहै का परा थै। भोलू पहलवान, रिमर बताइन कि न झाडू लागत बाय न कूड़ा उठाय जात बाय अउर न नाली कै सफाई हुवत बाय। साफ करै वाले टाउन एरिया से आवा थे जेकै नाम मल्लू अउर आलम हुवै। अगर एकठी कूड़ेदान धरवाय देतिन तौ ठीक होय जात। कम से कम फैलै वाली बीमारी से तौ बचि जात।
चेयरमैन रमेशचन्द्र कशौधन बताइन कि सफाई कर्मी के घरे बियाह रहा यही से सफाई नाय होय पावत रहा लकिन अब दुइ तीन दिन मा सफाई होय जाए अउर कूड़ेदान एक बार रखा गा रहा तौ केहू कहै हमरे दुवारे न रखा, केहू कहै हमरे दुवारे न रखा यही से नाय धै जात।