नहर कटै से हजारौ बिगहा फसल बर्बाद

taza1 finalजिला फैजाबाद, ब्लाक मया, गावं पौसरा रजबहा। हिंआ शारदा सहायक नहर 13 जनवरी 2016 कै से रात मा कटी जाए से आधा दर्जन गावं के किसान कै सैकड़ो बीद्या फसल बर्बाद होई गै। सुबेरे जानकारी के बाद रजबहा हेड से बंद कई गै।
किसान वीरेन्द्र तिवारी, कपिलदेव दूबे, दान बहादुर तिवारी रामदुलार उपाध्याय, बृजलाल मौर्या बहरैची बताइन कि दजनों गावं के किसान कै फसल नुकसान हांई गै लालपुर हरदी, दलेल का पुरवा, बनकठवा, मिसरन का पुरवा, नटक पुरवा, भदई का पूरवा गंाव के खेत तक पानी पहुंचा। पानी यतना ज्यादा आई गै लागाथै जइसै बाढ़ आय गै। हजारौ बिगहा फसल पानी में डूबी गै गेहूं, सरसों, आलू,मटर, चना सब बर्बाद होई गै। रजबहा के पानी से प्रभावित किसान कर्मराज प्रजापति परमानन्द तिवारी कै आरोप बाय कि सूचना दिहे के बादौ भी नहर विभाग रजबहा कै मरम्मत खातिर कउनौ कर्मचारी नाय भेजिन। रजबहा के पूर्वी पटरी 15 जनवरी आधी रात कै अचानक कटी गै बाय। रजबहा कै पानी तेजधारा मा बहै लाग। वही से फसल बर्बाद होय गै।
नहर विभाग कै जेई. रामानन्द गुप्ता बताइन कि नहर कटे कै दुसरे दिन बंधवाय दीन गै रहा। ज्यादा नुकसान नाय भै बाय। हमरे सब जांच करै बाटेन।