नल से आवत बदबूदार पानी

19-08-15 Ambedkar Nagar - Katehri - Ganda Pani webजिला अम्बेडकर नगर, ब्लाक कटेहरी, कस्बा अन्नावां। हिंआ जगह-जगह हैण्डपम्प बिगड़ा बाय। कहूं बदबूदार पानी आवत बाय तौ कहूं सूचना दियै के बादौ नाय बना।

आवै जाए वाले मनई सुभाष, चन्द्रबली बताइन कि दुई साल पहिले हैण्डपम्प बढि़या पानी दियत रहा। सड़क के किनारे रहा सब पानी पीके आराम करत रहे। लकिन दुई साल से गिबड़ गै तौ सब यहीं कूड़ा फेंकै लागिन। अब यहि खड़ा नाय होय जात।

सुषमा अउर गोल्डी बताइन कि प्राथमिक विद्यालय के नल कै पानी पीला अउर बदबूदार बाय। गेदहरै स्कूल के नल कै पानी नाय पियतिन। गंाव मा आइके पानी पियाथिन। यतना खराब पानी बाय कि देखके मन खराब होय जाथै तौ पियै कैसे? प्रधान का यतनी बड़ी समस्या कै समाधान जल्दी करै का चाही। लकिन दुई-तीन साल होइगा अबहीं तक नाय बना।

प्रधान मिथलेश गुप्ता बताइन कि हम अपने हिंआ से कम से कम दस हैण्डपम्प रिबोर करावै के ताई नलकूप विभाग से मांग करेन। लकिन विभाग वाले देखै तक नाय आइन।
जलनिगम विभाग कै सहायक अभियंता धु्रव पाण्डेय बताइन कि हर हैएडपम्प कै जांच कराय जाये। अगर मरम्मत करावै लायक होये तौ ग्राम प्रधान मरम्मत करवइहैं। अउर रिबोर करावै का होये तौ जल्दी रिबोर कराय जाये।