नये चुनाव के नई नई सीटैं

banda chunav photoबांदा जिला। हेंया पंचायत के चुनाव जेतना पास आवत जात हैं वतना तैयारी जोरन मा है। आठो ब्लाकन मा जाति के हिसाब से सीटन का एलान कई दीन गा है।
जेहिमा है कि कुल 471 ग्राम पंचायत मा 233 ग्राम पंचायत अनुसूचित जाति अउर पिछड़ी जाति  खातिर  तय कीन गई हैं। 238 पंचायत मा कउनौ भी जाति का मड़ई चुनाव लड़ सकत हैं। जेहिमा से 161 ग्राम पंचायतन मा औरत प्रधान खातिर होइहैं।
डी.पी.आर.ओ रणधीर सिंह कहिन कि आरक्षण के संख्या तय होई गे हैं। यहै हिसाब से ग्राम पंचायत का आरक्षण दीन जई। यहिके खातिर अधिकारिन का प्रशिक्षण दीन गा है
बबेरू ब्लाक के मिरगहनी गांव के पार्वती, सोनिया अउर रानी का कहब है कि लगभग बीस जने प्रधान के पद मा ठाढ़ होय का तैयार हैं। जीत तौ एकै जने के होई।