नये उम्मीदवारन कै सोंच

f mahila muddaजिला फैजाबाद, ब्लाक पूराबाजार, गांव भीखापुर। नये महिला उम्मीदवार कै राय जानै के ताई कुछ महिला उम्मीदवारन से खबर लहरिया कै पत्रकार बातचीत करिन। जानै चाहिन कि उनकै कवन सांच बाय। कउने उद्देश्य से प्रधान बनै चाहाथिन।
गुलाबपति बताइन कि हम पढ़ी-लिखी नाय हई लकिन गांव से लइके जिला तक हर काम करब। जवन-जवन हमरे गांव कै समस्या बाय नाली खडन्जा बनुवाउब। हमार बेटवा अरून विश्वास हमरे साथे चुनाव प्रचार कराथिन।
सुभाष चतुर्वेदी पत्नी छाया चतुर्वेदी बताइन कि हमार सबसे अहम मुद्दा मेहरारून के सुरक्षा कै बाय। गरीबन के आवास राशन कार्ड के साथ-साथ मेहरारून के सुरक्षा पै ज्यादा ध्यान दियब।
चन्द्रावती कै कहब बाय कि पूरे गांव मा अंधियार रहत रहा पूरे गांव मा बिजली लगवाये हई। एक तौ न नाली न सड़क कउनौ विकास प्रधान नाय करिन। यही से पूरे गांव मा बिजली लगुवायन। जेकरे ताई कुछ मनई विरोध भी करिन।
वर्तमान प्रधान रेखा यादव बताइन कि दुई इन्द्राआवास आय रहा। कुछ मनई पेंशन पावत अहैं। ज्यादा से ज्यादा पेेंशन दियै कै प्रयास रहा लकिन होय नाय पावत। हमरे गांव मा शौचालय कै सबसे बड़ी समस्या बाय। पांच साल प्रधानी बीत गै शौचालय कै सुविधा नाय मिली।