नई होत हे शौचालय की सफाई

mahoba

महोबा शहर के मोहल्ला मिलखी पुरा वार्ड नम्बर अठ्ठारह। एते पे बीस साल पेहले से दस सरकारी शौचालय पूर्व चेयरमेन बन्तीबाबू ने बनवाओ हतो। ऊं शौचालय आठ साल से बोहतई गन्दे परे हे। जीसे आदमी ऊंखो इस्तमाल नई करत आय। नगरपालिका के अधिकारी भी कोनऊ ध्यान नई देत आय।
इ मोहल्ला के गोरेलाल, रहीसा, सलमा, रामकली ने बताओ कि एते सरकारी शौचालय तो बने हें, पे ऊखो इस्तेमाल कोनऊ नई कर पाउत आय काय से आठ साल से ऊखी सफाई नई भई ओर ऊखे दरवाजा भी टूट गये हें । हम गरीब आदमी कहां से शौचालय बनवा सकत हें। ईसे हम लोगन खां शौच के लाने खेतन में जाने परत हे।
वार्ड मेमबर लाड़कुवंर के लड़का अमित ने बताओ कि ओते बने शौचालय की दो बार सफाई भई हे, पे आदमी उन्हे बोहतई गन्दो कर देत हें । आदमियन खंे घरन में शौचालय बन गए हें तो ऊखो इस्तेमाल कोनऊ नई करत आय। हमने ऊ जघा पे विद्यालय बनवायें खां प्रस्ताव दओ हे जो पास भी हो गओ हे ओर जेई ने नपाई करी हती। ऊ जगह पे विद्यालय बने भर खां जघा नइयां तो तभई से ई शौचालय एसई परे हें।