नई सरकार! स्वच्छ भारत को सच बनाइये, अम्बेडकर नगर में, तालाब में शौच करने गए छह साल के अंश की मौत

जिला अम्बेडकरनगर, ब्लाक टांडा, बिहरोजपुर 6 मार्च का बिहरोजपुर प्राथमिक विद्यालय कै सात साल कै अंश शौच के ताई निकरिन वापस नाय आइन।काफी ढूढ़ै के बाद पता चला कि उनकै डूबै से मउत होय गए। एहि स्कूल मा शौचालय न हुवय से बच्चा तालाब मा गा अउर आपन जान गवाय बैठा।
सीमा अंश के अम्मा कै कहब बाय कि सबेरे स्कूल जाय से मना करत रहे। फिर खेलकूद के बाहर से आये फिर कहिन कि नाही मम्मी हम स्कूल जाब।आज बैग मिले। फिर स्कूल गये। सब गेदहरै स्कूल से आइन हमार भैया नाय आये। एक घंटा इन्तजार करेन जब नाय आये तौ घर वाले से बतायन।हर रोज हमसे स्कूल से दुपहरे मिलै आवत रहे लकिन वहि दिन नाय आये।
मंगरू अंश के दादा कै कहब बाय कि सबेरे पढ़ै गये फिर वापस नाय आये।शाम का खूब हेरै के बाद आठ दस गेद्हरा तालाब मा घुसके ढूिढ़न तौ तालाब मा शव मिला। स्कूल से 10 फिट के दूरी पै तालाब बाय।सकीरा खातून कै कहब बाय कि हम सोचे हई कि अब अपने गेद्हरा का वहि न भेजब। काहे से वहि गेदहरन कै देखभाल नाय हुवत।
शिक्षा मित्र ममता कै कहब बाय कि सुबह हाजिरी लिए रहेन तौ स्कूल नाय आय रहा वकरे बाद दुपहरे स्कूल मा देखै का मिले फिर बाद मा हाजिरी लियै पै फिर नाय रहिन।निशा वर्मा प्रधानाध्यापिका के कहब बाय कि शौचालय बना बाय लकिन गेदहरै जाते नाय।अब गेदहरै दहशत मा बाटे स्कूल नाय अउते।
जिला बेसिक शिक्षा अधिकारी जे.एन. सिंह के कहब बाय कि हम मौके पै जाय के निरिक्षण करेन।लापरवाही के कारण प्रधानाध्यापिका का निलंबित के दीनगा बाय।

रिपोर्टर- मनीषा

30/03/2017 को प्रकाशित