नई लगे मीटर, ज्यादा आउत बिल

taja khabar bijli ke jyada aate bilजिला महोबा, ब्लाक जैतपुर, गांव बिहार। एते के आदमियन को आरोप हे कि बिजली विभाग वाले मीटर नई लगाउत हे। आपन मनमानी को बिल भेजत हे।
सोहन लाल बताउत हे कि मेनें 2 अगस्त 2014 में बिजली को कनेक्शन कराओ हतो। आज तक मीटर नई लगो हे। हम लोग एक-एक बल्ब जलाउत हे उजियारे के लाने, पे बिजली विभाग वाले एक महीना में सात सौ रुपइया भेजत हे। चन्द्रशेखर कहत हे कि मोये बाप विन्दओ के नाम 9 अक्टूबर 2014 में कराओ हतो। हम गरीब आदमी इत्तो बिल किते से भरहें। हम कहत हें कि मीटर लगा देय तो नई सुनत हे। अधिकारी रोज बिल भरे के लाने कहत हे।
कुलपहाड़ बिजली विभाग के जे.ई. एस.के. कुशवाहा ने बताओ कि अभे तक मीटर लगायें को कोनऊ आदेश नई हतो। अब धीरे धीरे सब गांव में लगाओ जात हे।