नई पास होत कालोनी को रूपइया

 

जिला महोबा, ब्लाक चरखारी, गांव बमरारा। एते की रहे वाली प्रेमरानी ने आपन आप बीती कछु ऐसी बताई हे।
प्रेमरानी ने बताओ कि मोई कालोनी तीन महीना पेहले पास भई हती। जीमे पैंतालिस हजार रूपइया आओ हतो। पेहली किस्त ग्यारह हजार की आई हती जोन मोय मिल गई हे, पे दूसरी किस्त अभे पास नई भई आय। जीखे कारन मोए बोहतई परेशानी उठाउने परत हे।
मोए कच्चो घर हे में सोचत हों की मोई कालोनी को पूरो रूपइया मिल जाए तो नींक हो जेहे। ईखे लाने जभे में डी.एम के पास गई तो ऊने कहो कि पेहले प्रधान के दसखत कराओ जभई किस्त पास होहे। प्रधान से दसखत कराए खें  कही तो ऊने मना कर दओ में गरीब हों कहा तक दोड़ धूप करहें । मोओ दो हजार रूपइया खर्च हो गओ हे। में  मजदूरी करके आपन ओर अपने परिवार खांे पेट पालत हों।
बमरारा सचिव ओम तिवारी ने बताओ कि जोन किस्त पेहले आई हती ऊ गलत हती। ई कारन से दूसरी किस्त नई आउत हे।
ए.डी.ओ हरिशंकर मिश्रा ने बताओ के प्रेमरानी की पेहली किस्त गलत हती। इ कारन से दूसरी किस्त नई आ पाउत हे। अगर ऊ आपन कागजात दुबारा भेजवा दई तो ऊखो काम करवा दओ जेहें ।