नई पता चलो मोत को कारन

रोउत-बिलखत गुडि़या को परिवार
रोउत-बिलखत गुडि़या को परिवार

जिला महोबा ब्लाक कबरई, कस्बा कबरई, मोहल्ला भगत सिंह नगर। एते की गुडि़या के परिवार वालेन को आरोप हे कि गुडि़या के आदमी सुरेश ने 14 दिसम्बर की रात ऊखी हत्या कर दई हे। ईखी रिपोर्ट ऊखे परिवार वालेन ने कबरई थाना में लिखाई हे।
गुडि़या की मताई जगरनिया ने बताओ कि गुडि़या की शादी लगभग दस साल पेहले सुरेश के साथे से करी हती। दो साल बाद सुरेश शराब पियन लगो, ओर गुडि़या के साथे मारपीट करन लगो। भोजाई सुशीला ने बताओ कि ओई रात में गुडि़या ने फोन करो हतो कि मोये लिवा जाओ नई सुरेश मोये जान से मार डारहे, पे साधन न मिले के कारन हम नई आ पाये। सुबेरे पता चलो कि गुडि़या मर गई हे। बहन ममता ने बताओ कि ऊखे शरीर में कुल्हाड़ी ओर गले में फांसी के निशान हते। आरोप हे कि ऊखी हत्या भई हे।
सुरेश ने अपनी सफाई में कहो कि गुडि़या के अतुल नाम के आदमी से गलत सम्बन्ध हते। जीखी जानकारी होंय पे मेंने गुडि़या खा समझायें की कोशिश करी हती। एईसे ऊने आत्महत्या कर लई हे।
कबरई थाना के एस.आई. रमेश चैहान ने बताओ कि धारा 306 (प्रताडि़त करने पर आत्महत्या करना) के तहत सुरेश ओर अतुल के ऊपर मुकदमा लिख गओ हे। गुडि़या की मोत को कारन अभे स्पष्ट नई हो पाओ हे। काय से गुडि़या केे शरीर के अलग-अलग दो टुकड़ा परे मिले हें।