नई खुलत हे उपकेन्द्र

upk

जिला महोबा, ब्लाक चरखारी, गांव कनेरा को मजरा सुदामापुरी। एते बनो मातृ शिशु कल्याण उपकेन्द्र केऊ सालन से बन्द परो हे। जीसे ओते खें लोगन खां बोहतई परेशानी उठाउने परत हे।
गांव खे शबाना, नत्थू, पन्नालाल, पीर खां ओर समीर ने बताओ कि जा मातृ शिशु कल्याण उपकेन्द्र बोहतई दिनन खां बनो आय, बने खें बाद एक साल चलो हे। जा उपकेन्द्र बन्द होय से हम लोगन खां बोहतई परेशानी अठाउने परत हे। पेहले छोटी मोटी बीमारियन खें लाने दवाई एतई मिल जात हती, पे अब उपकेद्र बन्द होय खे कारन हमें चरखारी जाने परत हे।
ब्रजलाल ने बताओ कि ई उपकेन्द्र बन्द होय से हमाये बहू बेटियन खां परेशानी आउत हे। उनखां टीका लगवाये खें चरखारी जाने परत हे।
सी एम.ओ. जी.के. कुरील ने बताओ कि ऊ केन्द्र के बन्द रहें खें कोनऊ समस्या हे, तो ऊखी जांच करा खे आगे की कार्यवाही करी जेहे।