नइयां मास्टर, बन्द परो स्कूल

सूनो परो स्कूल
सूनो परो स्कूल

जिला महोबा, ब्लाक कबरई, गाव ज्योरैया। ,एते के पूर्व माध्यमिक विद्यालय में 1 जुलाई 2014 से ,कऊ मास्टर नइयां। ईखे लाने जिम्मेंदार अधिकारी भी ध्यान नई देत आय।
गाव के भूरा, राकेश ओर गुमान सिंह बताउत हें कि हम गरीब आदमी हें। ज्यादा नींक स्कूल में बच्चन खा नई पढ़ा सकत हें। गाव में दस तक को स्कूल हो गाओ हे, पे ऊ स्कूल में पढ़ायें खे लाने ,कऊ मास्टर नइयां।
प्राथमिक विद्यालय की इन्चार्ज नीतू खरे बताउत हे कि पूर्व माध्यमिक विद्यालय में सौ बच्चन के नाम लिखे हें, पे मास्टर नइयां, जीसे बच्चा स्कूल नई आउत हे। 30 जून 2014 तक लल्ली देवी हेडमास्टर हती, पे अब ऊ रिटार्यड मैन हो गई हे। तभे से कोनऊ मास्टर नई आओ हे। दो चार बच्चा आउत हें तो ,तई बिठा के पढ़ाउत हें।
महोबा बेसिक शिक्षा अधिकारी मसीहुज्जुमां सिद्दीकी ने बताओ कि शासन आदेश न होय के कारन ओते मास्टर खा नई भेजो हे। अभे डी-,म-को आदेश आओ हे तो अब जल्दी ही कोनऊ मास्टर खा भेजो जेहे।