धान विक्रय केन्द्र बदलै के मांग

smi mandee atarraजिला बांदा, ब्लाक नरैनी, कस्बा अतर्रा, शुक्ला थोक। हेंया के पचासन किसान 18 नवम्बर का धान केन्द्र बदलै खातिर अतर्रा एस.डी.एम. का दरखास दिहिन। एस.डी.एम कारवाही का भरोसा दिहिन हैं।
किसान भानुप्रताप सिंह अउर राधेश्याम का कहब है कि अतर्रा तहसील कैम्प मा दुई धान विक्रय केन्द्र हैं। एक का नाम एन.सी.सी.एफ. अउर दूसर का नाम एस.एम.आई. है। धान बेंचै खातिर अतर्रा के एन.सी.सी.एफ. का जोड़ा गा है। जबै कि या धान केन्द्र मा धान बेंच के रूपिया का भुगतान समय से नहीं कीन जात आय। केन्द्र प्रभारी का व्यवहार भी नींक निहाय। पिछले साल एस.एम.आई. से हमका जोड़ा गा रहै। हम दुबारा से एस.एम.आई. से जुड़ै के मांग करित हैं।
एन.सी.सी.एफ. मण्डी समिति प्रभारी रामसनेही गौतम का कहब है कि अगर किसान नींक धान न लइहैं तौ न लीन जई। काहे से सरकार भी हमसे नींक धान लेत है।
अतर्रा तहसीलदार राजेश कुमार मिश्रा का कहब है कि अगर किसानन का एन.सी.सी.एफ. धान विक्रय केन्द्र से दिक्कत है तौ एस.एम.आई. से जोड दीन जई।