धरना प्रदर्शन करै का दिहिन चेतावनी

जिला अम्बेडकर नगर, ज्योतिबा फूले संयुक्त जिला चिकित्सालय। हिंआ सफाई कर्मचारिन का आठ महीना से मानदेय नाय मिलत बाय। जेसे धरना दियै कै चेतावनी देहे अहैं।
सफाई कर्मचारी ज्ञानमती, लालमनी बताइन कि जिला अस्पताल मा एक दर्जन से ज्यादा सफाई कर्मचारी हईन। आठ महीना से मजदूरी नाय मिलत बाय। फूलादेवी बताइन कि हमरे सबकै खर्चा कइसे चलै। दीपावली त्यौहार मा भी पैसा नाय मिला। बच्चन कै पढ़ाई लिखाई कै खर्चा नाय चल पावत बाय। संदीप, रवीन्द्र बताइन कि मानदेय खातिर कइयौ दांय सी.एम.एस. अउर सी.एम.ओ. का अप्लीकेषन दिहेन। अगर एक महीना मा मानदेय न मिले तौ धरना प्रदर्शन करब।
सी.एम.एस. एन.के. त्रिपाठी बताइन कि सफाई कर्मचारी कै पैसा एन.आर.एच.एम. के तहत मिलाथै। अबहीं तक पैसा कै भुगतान नाय भै रहा। उम्मीद बाय कि एक महीना के अन्दर मा भुगतान होय जाये।