दो पक्ष मे भई मारपीट

panvadi kasbaladayi khaba copyजिला महोबा, ब्लाक पनवाड़ी, कस्बा पनवाड़ी, फदना रोड में 17 मई खा शाम 4 बजे संजना ओर बनवारी के बीच मे लड़ाई भई हती। संजना के परिवार वाले घायल हे। पुलिस ने डाक्टरी के लाने भेज दओ हतो।
संजना बताउत हे की मोई शादी दस साल पेहले बनवारी के लड़का राजकुमार के साथे भई हती। एतई पनवाड़ी मे मोई छोटी बहन रंजना रहत हे। अगर मे अपनी बहन से बोलत हों तो ससुराल वाले मोये साथे गाली गलौज करत हते। जा बात मेने अपने मताई बाप बताई। 17 मई खा मोई मताई मोये ससुराल आ गई। संजना की मताई सुमन बताउत हे की में समझाउन गई हती। तभई संजना की सास ससुर ओर बड़ो लड़का आके मारन लगे। ईखी जानकारी मोहल्ला के मोये लड़का बहू खा दई। एई बात खा लेके लड़ाई भई हे। ससुराल वालेन ने मोये बिटिया लड़का ओर बहू खा लाठी डण्डा से मारो हे। जीसे सिर हाथ मो चोट आई हे। ईखी दरखास हमने पनवाड़ी थाना में दई हे।
ससुर बनवारी बताउत हे की हमने पेहले से कछू नईं कहो, संजना के मायके वाले खुद लाठी डण्डा लेके मारन आये हते। मोये बड़े लड़का खा मारो हे। तभई हमने ओई के डण्डा छुड़ा के मारो हतो। जीसे संजना के भाई ओर मताई खा चोट आ गई हे।
पनवाड़ी थाना को मुन्शी सुबेदार बताउत हे की दोनऊ पक्ष का बुला लओ हे। चोट वालेन खा डाक्टरी के लाने पनवाड़ी के सामुदायिक स्वास्थ्य किन्द्र डाक्टरी के लाने भेज दओ हे। आपसी विवाद भअे हे। अगर मायके वाले मुकदमा लिखाहें तो मारपीट ओर गाली गलौज को मुकदमा लिख कारवाही करी जेहे।

रिपोर्टर – सुरेखा राजपूत, सुनीता प्रजापति