दोसर कल मिल जतई

DSC03243
इंहा से चोरी भेल हई चापाकल

जिला सीतामढ़ी, प्रखण्ड, पंचायत बथनाहा, पुर्वी गांव बजार टोला वार्ड नम्बर चार। इहां डाकबंगला के बहुत पुराना एगो चापाकल रहई उहो एक साल पहिले चोरी हो गेलई जेई कारण लगभग चालीस घर के लोग के पानी के लेल बहुत दिक्कत होगेलई।
इहां के लोग गोपाल राय, संजु देवी, पसराम कापड़, कजर दास इसब कहलथिन कि एई कल से हमरा सब के पुरा महल्ला के लोग के सुख रहलकह। पानी पीय से लेके कपड़ा अउर नहाय के भी हमरा सब के बरा दुःख हो गेलई। जब खराब हो जाईत रहलक ह त हमसब अपन रूपईया लगा के बनबा देइत रहली। लेकिन जब चोरी हो गेलई तब हम सब कि करू। मुखिया के आवेदन देली लेकिन कोई सुनवाई न भेल ।
मुखिया अर्चना झा के पति रंजन झा कहलथिन कि हमरा पंचायत में लगभग छौगो चापाकल चोरी भेल हई। दुबरा कल देवे के आदेश हमरा न हई। प्रखण्ड विकास पदाधिकारी मोहम्मद कलामुदीन कहलथिन कि अगर चोरी हो गेल हई त उ थाना में आवेदन देवे। उहां जाँच  कर के जेई विभाग से होतई दोसर कल देल जतई। पी.एच.ई.डी. विभाग के कार्यपालक अभियंता सुदेश्वर प्रसाद कहलथिन कि एक साल से चापाकल उखार गार के लेल अभी कोई बजट न हई। लेकिन एई विभाग से हलल होतई त उहां के लोग आवेदन देथिन त हम दुसरा कल हलवा देवई, जे कहियों चोरी ही न होतई।