देखिए चित्रकूट जिले के पहाड़ी ब्लाक की एक ऐसी सड़क जिसपर पैदल चलना है मुश्किल

चित्रकूट जिला के ब्लाक पहाड़ी गांव सरधुवा से भदेहदू गांव का जाय वाली सड़क,मरम्मत के अभाव मा तीन साल से खराब पड़ी हवै। न पंचायत यहिके मरम्मत मा ध्यान देत आय अउर न तौ विभाग। मरम्मत के अभाव मा सड़क मा पैदल चलब मुश्किल होइगा हवै। प्रांतीय खण्ड लोक कल्याण विभाग चित्रकूट के अधिशाषी अभियंता इआरसी कटियार का कहब हवै कि सड़क का स्टीमेट बनाके भेज दीन गा हवै। बजट आवै के तुरंत बाद सड़क निर्माण का काम शुरू कीन जइ। शिवकुमार कहब हवै कि मैं रोज आवत जात हौं, तौ गाड़ी चलावै मा बहुते दिक्कत होत हवै। जेहिसे देरी होई जात हवै।अर्की गांव का रहै वाला छोटेलाल, बताइस कि साधन मा आवै जाय से गड्ढा होय के कारन बहुते दिक्कत होत हवै। या सड़क तिरहार से सरधुवा तक पूरी खराब हवै।
ड्राइवर राजेन्द्र कुमार का कहब हवै कि सड़क खराब होय के कारन सवारी बहुते कम मिलत हवैं अउर गाड़ी खराब होय के कारन सालै गाड़ी मा बीस हजार रुपिया लागत हवै।
भ्रम्हीन बताइस कि एक बुड्ढा का बीस पच्चीस दिन पहिले हिंया एक्सीडेंट भा हवै। गड्ढा गहिर होय के कारन मड़इ का नहीं देखात आहीं, तौ मड़इ गिर पड़त हवै।

रिपोर्टर: सहोद्रा
Uploaded on Apr 24, 2018