दुई साल से बन्द बाय मनरेगा कै काम

neraga photo
बन्द पड़ा काम

जिला फैजाबाद, ब्लाक मया,गांव काजीपुर गाडर, मजरा मण्डक कोटवा। हिंआ दुई साल से मनरेगा कै तहत काम नाय मिलत बाय।
लौंगा, दासू, लुभना बताइन कि केतना बार काम करै तायि मांग किहेन तौ कहिहै पैसा नाय आय बाय। तौ कबहौ कहिहै कि जगह नाय बाय कहां काम करवाई इहै कहत दुई साल गुजर जात बाय। शिवनाथ, दीनानाथ बताइन कि न काम मिला थै अउर न भत्ता दियाथिन कि जेतना दिन नाय हुअत बाय वतना दिन के पैसा कै भुगतान करै जब रोजगार सेवक उनिसा से कहा तौ टार जाथे अउर प्रधान खाली सुनिके चला जइहै कुछ बोलबै नाय करतिन। रोजगार सेवक कै काम उनकै भाय कराथिन रोजगार उनिसा कै यकरे बारे मा कउनौ जिम्मेदारी नाय बाय।
रोजगार सेवक उनिसा पाल कै भइया प्रवेश बताइन कि जून महीना से पैसा आय बाय खडन्जा कै काम शुरू हुवै वाला रहा लकिन बरसात के कारण नाय होय पावत बाय।