दिन में जलत मरकरी

04-09-14 Mahoba Kasba - Mercuryजिला महोबा, ब्लाक चरखारी, कस्बा चरखारी। एते की तमाम मरकरी नगर पालिका ओर बिजली विभाग की लापरवाही के कारन रात खे जघा दिन मे जलत रहत हे, पे बिजली विभाग के कर्मचारी कोनऊ ध्यान नई देत आय।
रैनपुर चैराहा के प्रदीप ओर छोटू ने बताओ कि हमाये चैराहा में जोन मरकरी लगी हें। ऊं रात में नई जलत हें, ओर दिन में 12 बजे से के बाद भी मरकरी नई बुझाई जात हें।
पचराहा चैराहा के शफीे ओर मोहम्मद ने बताओ कि ऊसई तो बिजली विभाग वाले घरन में जले वाली बिजली कटौती करके चले वाले कारखाना के लाने बिजली बचाउत हें। फिर दिन में मरकरी जला के बिजली काय बरबाद करत हें। जभे रात में रास्तन ओर चैराहान में उजाले की जरूरत होत हे। तभे गली में अधियारो छाओ रहत हे, ओर दिन में फालतू बिजली जलत हे। बिजली की जिम्मेदारी नगर पालिका ओर बिजली विभाग की आय, पे कोनऊ ध्यान नई देत आय। चरखारी नगर पालिका के बड़े बाबू परिवेक्ष ने बताओ कि बिजली के फाल्ट मार जायें पे मरकरी खा कही करायें के लाने सब मरकरी को कनेक्शन इकट्ठा कर दओ जात हे। मरकरी खा सही करें के बाद कनेक्शन न हटाओ हो हे, एई से दिन मे जलत हो हें। हम कर्मचारियन खा भेज के सही करा दई जेहें।