दिन दहाडे़ दुई लोगन के हत्या

जिला बांदा, ब्लाक बबेरू, गांव मुरवल। हेंया के रामदत्त उर्फ बुक्कू अउर वहिका भाई ब्रम्हदत्त उर्फ चाऊ तिवारी गांव के ही धर्मवीर अउर फूल का गोली से भूंज डारिन। खबर लिखी जाय तक पुलिस हत्यारन का गिरफ्तार नहीं कई पाइस रहै।
रामप्रताप पाल बताइस-“मोर लड़का धर्मवीर 20 अप्रैल 2014 का तीन बजे गांव के रवि गुप्ता के दुकान मा सब्जी खरीदैं गा रहै। होंआ चुनाव के कुछ चर्चा चलत रहै। वहै समय गांव के रामदत्त अउर ब्रम्हदत्त आ गे अउर जाति सूचक गाली दें लाग। मोर लड़का मना करिस तौ वहिका तमंचा से गोली मार के मउत के नींद सोवा दिहिन। मोरे लड़का का साथी फूल निवासी तरायां बीच बचाव करैं लाग तौ वहिका भी मार डारिन। बबेरू कोतवाली मा उनके खिलाफ रपट लिखाई गे है।” मारैं वालेन के घर मा ताला लाग रहै। या मारे बात नहीं होई पाई आय।
बबेरू कोतवाली का दरोगा डी.पी. सिंह कहिस कि हत्या करैं वाले के खिलाफ धारा 302 के तहत मुकदमा लिख गा है। उनके तलाश जारी है।