दारू बिकै से छोट बच्चा बिगड़त

kजिला चित्रकूट, ब्लाक मऊ, कस्बा खण्डेहा। हिंया का रामचन्द केशरवानी तीन बरस से दारू बेंचत हवै। मड़ई दारू पियै के बाद उल्टी सीध बात करत हवै। यहै से छोट-छोट बच्चा भी बिगड़त हवै या कहिन कस्बा के मड़ई।
हिंया के कुलदीप सिंह, प्रदीप कुमार सिंह अउर बलराम का कहब हवै कि रामचन्द केशरवानी मध्य प्रदेश जिला सतना से चालिस रूपिया पउवा के हिसाब से दारू लावत हवै। फेर वहिका साठ रूपिया पउवा बेचत हवै। छोट बच्चन का जबरन दारू पियावत हवै। यहै से वहिका दारू बंेचब हिंया से बन्द होय का चाही। मड़ई दारू के नशा मा गन्दी-गन्दी गाली देत हवै। हमार सयान बिटिया अउर मेहरिया हवै। सुनै मा गाली बहुतै खराब लागत हवै। रामचन्द हिंया से दारू के दुकान हटावै।
रामचन्द केशरवानी का कहब हवै कि दारू नहीं बेचत हौं। अपने पियै ंका खण्डेहा या लालता रोड से मंगावत हौं।
मऊ थाना के मुंशी का कहब हवै कि या बात के जानकारी नहीं आय। मड़ई बतइहैं तौ कारवाही कीन जई।