दहेज हत्या मा होइगे जेल

kalgar photo4जिला बांदा। दहेज हत्या का आरोप साबित होई जाय मा 22 अगस्त का अदालत पति अउर सास का दस-दस साल के जेल के सजा सुनाई गे है।
नरैनी कोतवली क्षेत्र के कल्हरा गांव का रहै वाला बिंदा प्रसाद बताइस कि 15 मई 2009 मा मैं आपन लड़की राजकुमारी के षादी चकरेही गांव के नत्थू प्रसाद साथैं कीने रहौं। ससुराल वाले दहेज मा मोटर साइकिल के मांग करत रहैं। मांग पूर न होंय से उंई दहेज लोभी ससुराल वाले 6 मार्च 2010 का लड़की के हत्या कई दिहिन। मैं ससुराल वालेन के खिलाफ कमासिन थाना मा रपट लिखायेंव। तबै से मुकदमा चलत रहै। 22 अगस्त मा दूनौ पक्ष मा बहस के बाद राजकुमारी के पति नत्थू प्रसाद,सास पियरिया का आदलत मा दस-दस साल जेल के सजा सुनाई गे है। साथै पन्द्रह-पन्द्रह हजार रूपिया का जुर्माना भी भा है। राजकुमारी का पति नत्थू प्रसाद कहिस कि अबै भी हमरे साथै अन्याय भा है। हम नही मारे रहेन। राजकुमारी खुदै आत्महत्या करिस रहै।