दहेज हत्या का लिख गा मुकदमा

b dahej hatya banda shahar (2)जिला बांदा, शहर बांदा का मोहल्ला छावनी। हेंया 1 जनवरी का रूखसार के मउत होइगे। मइके वालेन का आरोप है कि ससुराल वाले दहेज खातिर हत्या कई दिहिन। मउके मा पहुंच सिटी सी.ओ. पंचनामा कइके लाश का पोस्टमार्टम कराइन हैं।
निवासी बाबूलाल चैराहा ईद गाह रोड के रुखसार के महतारी किष्वरी औरत शौकत अली का कहब है कि 24 जनवरी 2014 मा पड़ोसिन के सहयोग से शादी करे रहौं। मैं बहुतै गरीब हौं फिर भी शानू शादी के बाद एक लाख रूपिया मांगत रहै। पहिले भी कइयौ दरकी पच्चीस हजार रूपिया दई चुकी हौं। एक लाख रूपिया न दें मा रूखसार के साथै मारपीट तौ करत ही रहैं, पै मोरे एकलौता लड़का का जान से मारैं के धमकी देत रहा है। रूखसार के आठ महीना का लड़का गोद मा है। रूखसार का मनसवा शानू सास, ननद फराह परवीन अउर देवर सुल्ली मिल के 31 दिसंबर के रात एक बजे मारपीट के जान लई लिहिन। आपन बचाव करैं खातिर कहत हैं कि वा फांसी लगा के मर गे है।
सिटी सी.ओ. विनोद सिंह का कहब है कि रूखसार के मनसवा शानू , सास, ननद फराह परवीन अउर देवर सुल्ली के खिलाफ मुकदमा लिख गा है।
मुकदमा मा धारा 498ए( दहेज अधिनियम) 304 बी (गैर इरादन हत्या) अउर 3/4 (दहेज हत्या) लाग है। पुलिस सबका जेल भेजैं के कोशीश मा लाग है।