दहेज प्रथा ओर खाना खर्चा को लड़त मुकदमा

belatal mahila mudda copyजिला महोबा, ब्लाक जैतपुर, कस्बा बेलाताल। एते के बिन्दी को आरोप हे ससुराल वालेन खा मोटर साइकिल ओर पचास हजार रुपइया के मांग पूरी न होंय के कारन ससुराल वाले मारपीट करत हते। एक बच्चा लेके मायके में रहत हे। जुलाई 2015 से खाना खर्चा ओर दहेज प्रथा को मुकदमा लड़त हे।
बिन्दी कहत हे की चार साल पेहले मऊ गांव में रामकुमार के साथे शादी भई हती। शादी में मोये बाप मताई हंेसियत से ज्यादा दान दहेज दओ हतो। फिर भी मोटर साइकिल ओर पचास हजार रुपइया की मांग करत हते। मोये मताई बाप बोहतई गरीब हे, पेट पालउब तो मुश्किल परो हे। इत्तो दान दहेज किते से देहें। एई से ससुराल वाले मारपीट करत हते। में मारपीट ओर दहेज के ताना सुनत रही। एक लड़का भी हो गओ, फिर भी नई माने मारपीट करत हते। एई से आपन लड़का लेके मायके आ गई, डेढ़ साल से मायके में रहत हों। मेहनत करके आपन ओर बच्चे को पेट चलाउत हो। साथे दहेज प्रथा को मुकदमा लड़त हों।
आदमी रामकुमार कहत हे की ईसे कोनऊ ने दहेज की बात नईं कही हे। ऊ मरबे की बात कहत हती। एई से लड़ाई भई हती। ऊ अपने से मायके चली गई ओर मुकदमा लगा दओ। में लिबाउन भी गओ हों, पे नईं आउत हे।