दस साल से बना उपकेन्द्र लेकिन आज तक नहीं खुला दरवाजा, चित्रकूट जिले के बरियारी कला गांव में

जिला चित्रकूट,ब्लाक मऊ,गांव बरियारी कला। गावन के स्वास्थ्य सेवा बहुतै खराब हवै या बात का हम सब जानित हन यहिकर उदाहरण हवै बरियारी कला मा बना उपकेन्द्र।हिंया दस साल पहिले उप स्वास्थ्य बनावा गा रहै, पै वहिके दरवाजा अबै तक नहीं खुले आहीं।मनुख राम बताइस कि केंद्र मा कोऊ  नहीं रहत आय हुंवा गांव के मड़ई अउर जानवर रहत हवैं। खिड़की, दरवाजा अउर छत सब टूट फूट पड़े हवै।
कलपतिया बताइस कि हमें डिलेवरी करावें खातिर मऊ जाय का पड़त हवै काहे से या उप केंद्र तौ बंद रहत हवै ।विद्या देवी बताइस कि हमें दवाई करावे खातिर ग्यारह किलोमीटर जायें का पड़त हवै।बालचन्द्र का कहब हवै कि टीकाकरण स्कूल मा कीन जात हवै ।सी.एम.ओ राम जी पाण्डेय का कहब हवै कि हुंवा के इंचार्ज अउर जेई का जांच करे भेजा गा हवै। जेहिसे विभाग का उपकेंद्र के बारे मा बतावा जा सकै।

बाईलाइन-सुनीता देवी

31/10/2017 को प्रकाशित