पन्द्रह साल रहे प्रधान लेकिन मोहल्ले में भरा रहा पानी

जिला फैजाबाद, रामनगर घोसियाना, पहाड़गंज। यहि गांव मा लगातार प्रधानी रहै के बादव चालिस मीटर सड़क आज तक नाय बनी। स्कूल कै गेदहरा अउर गांव कै मनई गिरत परत पानी महकी आवत जाथिन। पानी कै निकासी न हुवे से मछरन कै भरमार भए बाय। जेसे मनईन मा तरह-तरह कै बीमारी फैलत बाय।

दीपक बताईन कि पिछले ब़ार तारा शुक्ला पन्द्रह साल प्रधान रहिन लकिन कौनो काम नाय करिन। कइयो बार सिकायत के बाद भी सड़क नाय बनी। जबकि शिशु मंदिर रामनगर स्कूल कै गेदहरै इधर से ही जाथिन। छोट-छोट गेदहरा कौनो तरह सडक पार कराथिन। अमित कहिन कि एक दिन हम येहि सड़क पै पानी मा गिर गा रहेन। काफी चोट आए रही। हमरी तरह बहुत जने दिन भर मा गिरत होइहै लकिन मजबूरी मा आवै जाय का बाय।

बबिता जायसवाल कहिन कि पहिले येहि कुंआ अउर मंदिर रहा वही मा पानी जात रहा। अब सब पाट  उठा तो सडक पै भरा थै। सब अपने सामने ऊँच कै लिहिन तव पानी सड़कपै भरा बाय। उषा तिवारी कहिन कि येहि गली मा जेतना घर बाय सबके घर मा दो तीन मनई जरुर बीमार अहै। पानी कै निकासी न हुवे से मच्छर ज्यादा होईगा अहै। जेसे तरह तरह कै बीमारी घेरे बाय। अब्दुल हकीम अउर मनोज कहिन कि पानी निकले कै रास्ता नाय  बाय। तीस चालिस मीटर सड़क तालाब बनिगे बाय। कौनो तरह पानी मा घुसिके आवा जाथै।

शिशु मंदिर रामनगर प्रधानाध्यापक ब्रजेश नारायण सिंह कहिन की पानी कै समस्या हर साल हुआ थै येहि साल ज्यादा बरसात भए बाय जेसे दिक्कत बढ़ी बाय। वही पानी से होइके बच्चे आवाथिन। डी।एम का एक लेटर लिखा गा बाय। अबही कौनो हल नाय मिला। आगे ब्लॉक प्रमुख से बात करब। प्रधान कंचन गुप्ता ।कहिन कि सड़क के बारे मा प्रस्ताव भेजा गा बाय। सुबिधा मिलै पै बनवाय जाय।

रिपोर्टर – मनीषा अउर संगीता

08/08/2016 को प्रकाशित

दस साल रहे प्रधान लेकिन मोहल्ले में भरा रहा पानी
फैजाबाद की शिवनगर कॉलोनी के पहाड़गंज से कैसे गुज़रें लोग?