दस साल मा पूरा नाय भै काम

gonv 3 copyजिला अम्बेडकर नगर, तहसील आलापुर, गांव नरियांव। हिंआ दस साल होइगै पानी कै टंकी लागिगै लकिन अबहीं तक पानी कै कउनौ सम्भावना नाय बाय।
गांव कै संजय अवधेश जर्नादन बताइन कि जब सपा सरकार सत्ता मा आई तौ गांव वाले के कहे से कुछ पैसा आय तौ पानी कै टंकी बनै लाग। अउर बनिके तैयार होइगै दुई साल होइगै लकिन अबहीं पानी गांव मा नाय पहुंची। गांव वाले मनई अधिकारी के ऊपर नाराज हइन। यहि टंकी से लगभग एक हजार मनई पानी पियै के ताई लालइत हई।
गांव के प्रधान संजय यादव कै कहब बाय कि हम कइयौ बार यकै शिकायत करेन लकिन कउनव लाभ नाय भै।
जलनिगम कै अधिशासी अभियंता अनिल चन्द्रा बताइन कि अबहीं तक पूरा धनराशि कै भुगतान नाय होय पाये बाय। यही कारण काम अधूरा परा बाय। जल्दी ही अधूरा काम पूरा होइके संचालन शुरु कै दीन जाये।