दसन साल से खराब सड़क कै हालत

Exif_JPEG_420

जिला फैजाबाद, ब्लाक मया, ग्रामसभा रामापुर। हिंआ से जयता धारूपुर बेसौरा का जाए वाली लगभग पांच किलोमीटर सड़क दसन साल से खराब बाय। विधायक निधि से बनीं सड़क दसन साल से मरम्मत नाय भै।
रामापुर कै राकेश उदयभान, बेसौरा कै शिवशंकर शेषपति अउर जयता कै पूर्णिमा नीलम अउर इमलेश बताइन कि हमरे सबकै यही सड़क से हमेशा आउब जाब रहाथै। दिन मा यहि सड़क परकी चलै मा डर लागाथै तौ रात मा कवन मेर चलि मिलै। साइकिल से चलै मा यतना बड़ा-बड़ा गड्ढा कवन मेर चलावै। गड्ढ़ा कुदावै मा फिर जाए तौ काफी चोर आए जाथै।
धारूपुर कै क्षेत्र  पंचायत सदस्य डाक्टर वी.के. मिश्रा बताइन कि साल भर पहिले सड़क मरम्मत के ताई मांग करे रहेन। अबहीं तक कउनौ उम्मीद नाय देखान की बनि जाये।