दवाई मा नहीं लाग आराम

k ramnagr mahila mudda khabar karviजिला चित्रकूट, ब्लाक रामनगर, कस्बा रामनगर। हिंया के प्राथमिक स्वस्थ्य केन्द्र 18 जनवरी का दवाई करावैं आई कुछ औरतैं अपान दुख दर्द से परेशान आपस मा नसबंदी का लइके कुछ बात चीत करत रहैं। पुछै मा पता लाग कि उंई एक महीना पहिले नसबंदी कराइन रहैं। अब उनके टंका पाक गे हवैं अउर मवाद निकलत है। यहिसे उंई परेशान हवैं।
पहाडी गांव के शोभादेवी, अनीता देवी अउर खजूरी गांव के मामता देवी का कहब हवै कि हम गरीब मडई घर परिवार का कउनौ तान मना के बच्चा बंद होंय खातिर नसबंदी करावा रहै। एक महीना होई गे अबै तक नसबंदी के तहत अस्पताल से मिलैं वाला 14 सौ रूपिया अउर नसबंदी साटी फिकेट नहीं मिला। अब हमरे टंका पाक गे हवैं पेट मा बहुतै दर्द होत हवै अउर मवाद निकलैं लाग हवै। यहिसे अस्पताल दवाई करावैं आय हन तौ अब डाक्टर अउर आाशा कार्यकर्ता कउनौ हमार ध्यान नहीं देत आय। रामनगर अस्पताल का अधिक्षक डा0 कहिस हवै कि नसबंदी पास एक जान का 14 सौ रुपिया मिलत हवै सबे के खाता मै भेजा जई अउर उनके टंका पाक गे हवैं तौ जांच कइके दवाई कीन जई।