दलदल मा सब्जी मण्डी

जिला बांदा, ब्लाक तिंदवारी, कस्बा तिंदवारी, मोहल्ला शंकर नगर सब्जी मण्डी। बीस साल से चलत या सब्जी मण्डी बरसात के समय दलदल का शिकार होई जात हैं। सब्जी व्यापारी अगस्त मा तिंदवारी चेयरमैन से मण्डी मा खड़ण्जा बनवावैं के मांग करिन हैं।

सब्जी व्यापारी छेदुंवा अउर धर्मपाल का कहब है कि हर साल बरसात के चार महीना दलदल मा गुजारैं का परत है। ढ़ाई सौ दुकानदारन का चार महीना बहुतै घाटा लागत है। ग्राहक बहुतै कम आवत हैं। चेयरमैन से हर साल या समस्या के दरखास देइत है, पै बजट आवैं के बात कहि के चेयरमैन चार महीना गुजार देत है।

चेयरमैन बृजेश पटेल का कहब है कि एक दरकी बजट पास करा पाये रहौं तौ गिट्टा बिछवा दीने हौं। बाकी काम खातिर दुबारा से बजट पास करइहौं तबै पूरी मण्डी मा खड़ण्जा डलवा देहूं।