दर्ज नाय कीन गै हत्या कै रिपोर्ट

जिला अम्बेडकर नगर, ब्लाक कटेहरी गांव जीतपुर यरकी। हिंआ के पतिराम कै आरोप बाय कि गांव कै एक मनई हमरे बेटवा धर्मेन्द्र का 23 मई का साथे लै जाए के खिलाय पिलायके मारि डारिस।
पतिराम बताइन कि गांव कै कृष्ण कुमार बेटवा जगदेव बढ़ई हमरे बेटवा से कहिन कि चला आज कहूं घूम आई। धर्मेनद्र तैयार होइके अपने बेटवा शनी का भी साथे लै गइन। जल्दी आवय का कहिन। लकिन 23 मई का घरे नाय आइन। कृष्ण कुमार धर्मेन्द्र का मारिके दुल्लापुर रेलवे क्रासिंग के लगे फेंक देहे रहिन। अउर बेटवा शनी का मरा जानिके वहीं बगल झाली मा फेंक दिहिन। यकै नामजद शिकायत करै पै पुलिस एु.आई. आर दर्ज किहिन। पुलिस जानबूझ के टाल मटोल करत अहैं। यही के विरोध मा अपना दल कै कार्यकर्ता जिलाधिकारी का ज्ञापन दइके अउर अपराधिन का गिरफ्तार कइके जेल भेजै कै मांग करिन। कहिन कि अगर हत्या कै खुलासा न कै जाये तौ अपना दल कै कार्यकर्ता सड़क पै उतर अइहैं। यकै जिम्मेदार प्रशासन होये।