तेज बुखार से एक की ओर मोत

m gao se  (1)जिला महोबा, ब्लाक चरखारी, गांव अकठौहां। ई समय गांव गांव में बिमारी फेली हे। बिमारी के कारन तेज बुखार के कारन 60 साल के राजकुमारी की मोत हो गई हे।
राजकुमारी को नाती उदयभान बताउत हे की दाई खा पांच छह दिन बुखार आई हे। हम प्राइवेट आस्पताल में इलाज कराउत रहे हें। कोनऊ असर नईं परो हे। 3 नवम्बर खा हम जिला अस्पताल लेके आये ओते डाक्टर ने बोतल लगा दई। बोतल पूरी नईं चढ़ पाई ह ओर ऊखी मोत हो गई हे।
आरोप हे की हमाये गांव में घर घर आददमी बिमार हे। अभे तक स्वास्थ्य विभाग नई गओ हे।
चरखारी सामुदायिक स्वास्थ्य केन्द्र के डाक्टर रामकुमार बघेल बताउत हें की अभे ऐसी पुरे गांव में बिमारी फेली की कोनऊ जानकारी नईं मिली हे। एई से कोनऊ गांव जांच करन नई गओ हे। जोन मारीज एते आउत हे तो पूरी कोशिश भर अच्छे से इलाज करो जात हे।