ताला तूरिके पचास हजार कै चोरी

जिला अम्बेडकर नगर, ब्लाक कटेहरी, गांव गौराबसंतपुर। हिंआ 19 मई का रात मा ताला तूरिके पचास हजार कै चोरी होइगै।
हिंआ कै रामनयन पाल कै कहब बाय कि गांव मा एक संस्थान चलावत रहेन। कुछ अज्ञात चोर सामने के दरवाजा कै ताला तूरिके घरमा कै सब सामान तूरिके तीस हजार रुपया, एक सिलाई मशीन, एक डिजिटल कैमरा अउर एक चेकबुक उठाय लै गइन। लगभग पचास हजार कै चोरी भै। थाना पै तहरीर दइके कार्यवाही कै मांग करिन।
अहिरौली थाना अध्यक्ष जेपी सिंह बताइन कि अज्ञात के खिलाफ मुकदमा दर्ज कइके छानबीन कीन जात बाय।