तालाब परे सूखे, हैण्डपम्प खराब

DSCN1436 2 tindvara haindpapजिला बांदा, ब्लाक विसण्ड़ा, गांव कौहांरा। या गांव के मड़ई पानी के समस्या का लइके 7 अक्टूबर 2014 का बबेरू तहसील दिवस मा दरखास दिहिन हैं। तहसीलदार दरखास लेतैं कारवाही का भरोसा दिहिन हैं।
गांव के राम मिलन अउर श्याम विहारी बतावत हैं कि हमरे गांव के पांच हैण्डपम्प जुलाई 2014 से खराब हैं। आज तक उंई हैण्डपम्प बनवावैं के प्रधान खबर नहीं लेत आय। हम लोग पियैं अउर निस्तार के पानी का तरसत हन। गांव मा जउन कुआं हैं उनका पानी भी पानी खारा निकरत है।
मइयादीन अउर जगदीश कहत हैं कि गांव के तीन तालाब भी सूख पड़े हैं। यहिसे जानवर पियासन के मारे पानी का भटकत रहत हैं। मड़ई तौ कउनौतान अउर दूसर मोहल्ला से पानी भर के गुजारा कई लेत हैं, पै जानवर कहां जाय? यहिसे हम तहसील दिवस मा दरखास दइके हैण्डपम्प सुधरावैं अउर तालाब मा पानी भरावैं के मांग कीन है।
प्रधान प्रमोद साहू कहत है कि गांव मा आठ हैण्डपम्प हैं। उनमा से चार खराब हैं, तौ मिस्त्री बुला के नवम्बर महीना तक बनवा दीन जइहैं। तीन तालाब हैं, तौ सुखान परे हैं। पानी का कउनौ साधन निहाय जेहिसे तालाब भरवाये जा सकैं।
बबेरू तहसीलदार लालाराम कहत हंै कि गांव के मड़ई पानी के समस्या का लइके दरखास दिहिन हैं, तौ गांव जा के जांच कीन जई। अगर हैण्डपम्प खराब हैं तौ प्रधान से कहिके बनवावा जई। तालाबन मा पानी भरैं के सुविधा निहाय तौ वहिमा हम कुछ नहीं कर सकत हन।