ताजा पट्टा करवाये की मांग

taja se patta ki mag copyजिला महोबा, ब्लाक जैतपुर, गांव बगौल। एते के आदमियन की जमीन अर्जुन सहायक परियोजना बांध में चली गई हे। मुआवजा कम मिले के कारन परेशान रहत हे। जीसे पट्टा करवायें की मांग करत हे।
काशीसिंह, भीम, भगवान दास ओर सियाराम कहत हे की चार साल पेहले सिंचाई विभाग वाले ने अर्जून परियोजना के नाला में हमाई जमीन ले लई हे। अब हम भूमहीन हो गये हे। एते काम भी नई मिलत हे। एई से हम राजस्व विभाग से पट्टा की मांग करत हे। भानूप्रताप कहत हे की पेहले विभाग वालेन ने हमाई जमीन पैंतिस हजार रुपइया बीघा के हिसाब से मुआवजा देके लिखा लई हे। विभाग वाले पट्टा करायें को अस्वासन भी दओ हतो, पे आज तक पट्टा नईं भओ हे। हम एक-एक दो-दो बीघा के किसान हते, ऊ भी छुड़ा लई हे। कुलपहाड़ एस.डी.एम. मोहम्मद रिजवान कहत हे की हमाये एते कोनऊ दरखास नई आई हे। अगर आई होती तो गांव में लेखपाल से सरकारी जमीन की जांच कराई जाती। ओर पट्टा भी करे जा सकत हते।