तमसा नदी के किनारे लाग कूड़ा कै ढ़ेर

kasba final 2 copyजिला अम्बेडकर नगर, ब्लाक अकबरपुर तमसा नदी। यहि नदी के किनारे कूड़ा कै ढ़ेर लगावै से मनइन कै गुस्सा बढ़िगै।
फरहान, शुभम त्रिपाठी अउर राघवेन्द्र प्रसाद कै कहब बाय कि न्यायालय के आदेश के बावजूद प्रशासन के लचर व्यवस्था के चलते प्लास्टिक कै चलन ज्यादा होइगै बाय। जवन लाइके नदी के किनारे डाल दीन जाथै। प्राचार्य शिवमूर्ति वर्मा कै कहब बाय कि एक ओर देश कै मुखिया साफ-सफाई कै अभियान चलाये बाटिन। लकिन वहिं यही कूड़ा कचरा से पानी जहर हुवत बाय।
नगर पालिका अध्यक्ष अवुलवशर अंसारी बताइन कि यहि दिशा मा अबहीं सरकारी कउनौ काम नाय भै बाय। लकिन आवै वाले समय मा तमसा नदी कै कचरा नीति अभियान चलाय के कचरा मुक्त कै जाये। कचरा रखै के ताई भूमि कै चयन कै जात बाय।