तनक सी बात में, मार दई गोली

एते लिखी हे रिपोर्ट
एते लिखी हे रिपोर्ट

जिला महोबा, ब्लाक चरखारी, कस्बा खरेला। एते के शिवपाल को आरोप हे कि मोहल्ले के ही अवधेश पुत्र दीनदयाल ओर बृजेश पुत्र रामसेवक गुप्ता ने मोये 20 साल के लड़का विमल खा 12 दिसम्बर 2014 खा शाम 7 बजे गोली मार दई हे। ईखी रिपोर्ट मेंने 13 दिसम्बर खा खरेला थाना में लिखाई हे।
शिवपाल ने बताओ कि कुशियारी तालाब केती हमाये खेत हें। ओतई विमल अपने खेतन केती गओ हतो। तभई कोनऊ बात खा लेके अवधेश ओर बृजेश गुप्ता की विमल के साथे कहा-सुनी हो गई हे। एई बात खा लेके अवधेश ने विमल खा गोली मार दई हे। विमल के पैर में गोली लगी हे। जीसे ऊखे पैर में गम्भीर चोट होंय के कारन ऊ ओतई बेहोश होके गिर गओ हतो। मोहल्ले के ही जीतू पुत्र सुरेन्द्र विमल खा उठा के घरे लाओ हे। विमल के पैर में गोली देख हमाये होश उड़ गये। तुरतई ऊखे प्राथमिक स्वास्थ्य केन्द्र खरेला लेके गये, पे ओते से ऊखे महोबा जिला अस्पताल रिफर कर दओ हतो। महोबा जिला अस्पताल में विमल के पैर की गोली निकारी गई हे।
खरेला थाना के एस.ओ. धर्मराज यादव ने बताओ कि धारा 307 (जान से मारने के उद्देश्य से गोली चलाना), 323 (मारपीट) ओर 504 (गाली-गलौज) के तहत अवधेश ओर बृजेन्द्र के खिलाफ मुकदमा लिखो गओ हे। अभे ऊ दोनऊ जने फरार हंे। ऊखे पकरे की कोशिश करी जेहेे।