डी.एम. के आदेश के बाद नई भई सुनवाई

29-07-15 Mahoba Belatal Handpump webजिला महोबा, ब्लाक जैतपुर, कस्बा बेलाताल नयापुरा मोहल्ला। जल निगम विभाग के कर्मचारियन की लापरवाही के कारन आदमी बंूद-बूंद पानी खा भटकत हे। 20 मई खा तहसील दिवस में दरखास डी.एम. खा दई हती। आदेश के बाद भी आज तक हैण्डपम्प नई बनो हे।

अखिलेश ओर देवेन्द्र बताउत हे कि हमाये द्वारे को हैण्डपम्प छह महिना से बिगरो हे, जीमें लगभग डेढ़ सौ आदमी पानी भरत हते। हैण्डपम्प बिगरें के कारन ई ऊ मोहल्ला भटकत हे। जभे हमने 20 मई खा दरखास दई हती तो डी.एम. ने लिखित आदेश जल संस्थान विभाग खा दओ हतो हैण्डपम्प बनवायें को, पे आज तक कोनऊ ओते देखन तक नई गओ हे। एई से हमने दुबारा से 16 जुलाई खा दरखास दई हे। हम गरीबन की कोनऊ सुनवाई नई होत हे।

महोबा जल संस्थान के सहायक अभियन्ता दीपक ने बताओ कि दरखास आई हे। हमने बी.डी.ओ. ओर प्रधान खा हैण्डपम्प बनवायें को आदेश दे दओ हे, ओई बनवाहें।