डिब्बा जले को नई मिलो मुआवजा

DSCN0032जिला महोबा, ब्लाक जैतपुर कस्बा कुलपहाड़ मण्डी के पास। एते को राघवेन्द्र बताउत हे कि 4 जुलाई खा गौ हत्या खा लेके बवाल में मोओ समान से भरो डिब्बा जल गओ हतो । जीमें लगभग एक लाख को नुक्सान भओ हतो। आज तक मुआवजा नई मिलो हे।
राघवेन्द्र बताउत हे कि 4 जुलाई खा एक गाय की हत्या होंय पे आदमियन ने बाजार में आगी लगा दई हती। मोई ज्वैलरी, चूड़ी विशात खाना को सब समान जर के राख हो गओ हतो। ईखी दरखास कुलपहाड़ तहसील में दरखास दई हती। तभई एस.डी.एम. अश्वासन दओ हतो की तोये मुआवजा दिबाओ जेहे। 25 किलो राशन भी दिबाओ हतो। अब दो महिना बीत गये कोनऊ नई सुनत हे। ओई दुकान से मोओ पूरो परिवार चलत हतो। दुकान जले से हम भुखमरी के कगार में आ गये हे।
कुलपहाड़ एस.डी.एम. मोहम्मद रिजवान कहत हे कि हमने जांच कर रिपोर्ट सासन खा भेज दई हे। अगर मुआवजा आहे तो मिल जेहे काय से दैविय आपदा के तहत नई आउत हे।