डाक्टर के लापरवाही कै आरोप

mahila muddaजिला अम्बेडकर नगर, ब्लाक बसखारी, गंाव रूकुनुदीनपुर। हिंआ 8 जनवरी 2015 कै संदीप सिंह के मेहरारू नीलू सिंह का प्रसव के ताई बसखारी बाजार के जमउपुर प्रकाष हास्पिटल मा भर्ती कराये रहिन। प्रसव के समय उनकै मउत होइगा। परिवार वाले कै आरोप बाय डाक्टर के लापरवाही से मउत भै। बसखारी थाना मा डाक्टर के खिलाफ केस दर्ज भै बाय।
नीलू कै पति संदीप सिंह, भाई विजय कुमार बताइन कि 8 जनवरी का प्रसव पीड़ा के दौरान रात मा नीलू कै तबीयत खराब भै। बसखारी बाजार के जमउपुर प्रकाष हास्पिटल मा भर्ती करै लै गयन। डाक्टर नार्मल प्रसव हुवय कै बात कहिके भर्ती कै लिहिन। फिर कहिन कि आपरेषन करै का परे। काफी देर के बाद आपरेषन रूम से निकारिन कहिन की हालत ज्यादा खराब बाय। जिला अस्पताल लै जा। जिला अस्पताल लै गयन तौ वहिंकै डाक्टर कहिन जान नाय बाय। बसखारी थाना मा डाक्टर ओ.पी. त्रिपाठी के खिलाफ रिपोर्ट दर्ज कराइगै।
बसखारी थाना कै मुंषी सुरेष बताइन कि नीलू कै भाई विजय कुमार सिंह पिता पंचम के तहरीर पै डाक्टर ओ.पी. त्रिपाठी निवासी जौनपुर के खिलाफ केस दर्ज भै बाय। मुकदमा अपराध संख्या 10/15 धारा 304ए लाग बाय। जांच कराई जाए वकरे बाद आगे कार्यवाही होये।