ठेलिया लगावैं खातिर जघा के मांग

chatrakoot sabjiजिला चित्रकूट, ब्लाक कर्वी, मुहल्ला नई बाजार, ट्राफिक चैराहा। हिंया सब्जी वाले सब्जी का ठेला लगावत रहैं। उनके साथै कुछ बडे़ व्यापारी 15 नवंबर का मारपीट करिन अउर उनके सब्जी के ठेला उठा के फेंक  दिहिन। सब्जी वाले 18 नवंबर का कर्वी एस.डी.एम. से सब्जी लगावैं खातिर जघा के मांग करिन।
सब्जी वाले बिंदु, अउर साकरा का कहब हवै कि सब्जी बेेंच के अपने परिवार वालेन का पेट भरित हन। येत्ता रुपिया नहीं आय कि कत्तौ किराये के दुकान लइके सब्जी बेंच सकै। बड़े व्यापारी सब्जी का ठेला नहीं लगावै देत हवै अउर मारपीट करै का तैयार रहत हवैं। रामनरेश अउर महेन्द्र कुमार का कहब हवै कि सब्जी वाले ठेलिया लगावत हवैं तौ उनका चल फिर के सब्जी बेंच का चाही। एक जघा ठेलिया लगावै से मड़ई निकर नहीं पावत। कर्वी कोतवाल रनवीर सिंह कहिन कि सब्जी वाले एक कइती ठेलिया नहीं लगावत। यहिसे अतिक्रमण होत हवै। एस.डी.एम. रजनीश कुमार कहिन कि उनके खातिर सराकर से जघा के मांग कीन गे हवै। सरकार कुछ कइ सकत हवै।