ट्रेन से कटी मेहरारू

जिला अम्बेडकर नगर, ब्लाक कटेहरी, गंाव गौरा बसन्तपुर। हिंआ 27 अगस्त का सुबेरे पांच बजे 24 साल कै रीता ससुराल के मनइन से ऊब के ट्रेन से कटि के दिहिन जान। पति अउर सास के ऊपर उत्पीड़न कै केष दर्ज भै बाय।
गांव कै कुछ मनई कै कहब बाय कि सबेरे के पांच बजे पहिले रेलवे लाइन के लगे जाइके रीता टहरत रही लकिन केहू ई नाय जानत रहा कि कटै आय बाटिन। जब तक सब मनई दौरिन तब तक सिर कट चुका रहा। ई सूचना अहिरौली थाना का दीन गै तौ लाष का पोस्टमार्टम का भेज दिहिन। रीता वर्मा कै भाई रामतीरथ वर्मा बताइन कि अपने बहिन कै षादी 6 सितमबर 2009 मा गैराबसन्त पुर गांव मा रामरेख बेटवा स्वर्गीय उदय भान वर्मा के साथे करे रहेन। षादी के छह महीना बाद दहेज न मिलै के नाते सतावै लागिन। फोन पै सब बात बतावत रहीं। यही से ऊब के अपने आपका खत्म कै दिहिन।
अहिरौली थाना कै एस.ओ. राजदेव मिश्रा बताइन कि रेलवे पटरी पै लाष मिली। यहि सम्बन्ध मा रीता के भाई रामतीरथ के तहरीर पै पति अउर सास अनारादेवी के ऊपर केष दर्ज भै बाय मुकदमा संख्या 138 /14 धारा 498, 306 आई.पी.सी. पंजीकृत भै बाय ससुराल वाले भाग हइन। पुलिस गिरफतारी करै के प्रयास मा लाग बाय जल्द ही पकड़ लिया जाये।