ट्रांसफार्मर जले महीना हो गया, बांदा के दतरौली निवासी गर्मी में बिजली के लिए हैं बेचैन

जिला बांदा, ब्लाक तिन्दवारी, गांव दतरौली इनतान के चिलचिलात गर्मी मा बिजली न होय तौ मड़इन के दिन का चैन अउर रात के नींद उड़ जात हैं। हेंया एक महीना से बिजली का ट्रांसफार्मर फुंका पड़ा हैं पै बिजली विभाग का ट्रांसफार्मर जले के कउनौ सूचना नहीं आय।
शिवकेश बताइस कि एक महीना से ट्रांसफार्मर जले से हमरे छोट-छोट बच्चन का बहुतै परेशानी होत है। यहै कारन हम पलरा ट्रांसफार्मर बदलावै खातिर सूचना दें गये रहेवं पै हमार कुछौ सुनवाई नहीं होत है।
राजरानी बताइस कि बिजली न होय से बच्चन का मच्छर काटत हैं जेहिसे बीमारी फइलत है,कि बिजली नहीं आय पै बिल आवत है हमें फिरी का रुपिया दे का पड़त है। राजाराम बताइस कि बिजली न होय से अंधेरा रहत है गर्मी का पंखा नहीं चला पाइत हन बिजली नहीं आय तौ कउनौ सुविधा नहीं आय। सुनीता का कहब है कि बिल बस भेंज देत हैं बिजली वाले कत्तौ जांच खातिर नहीं आवत आय।
पलरा पावर हाउस जेई संतोष का कहब हवै कि गांव वाले ट्रांसफार्मर जले के सूचना नहीं दिहिन आहीं। जबै सूचना अई तबै ट्रांसफार्मर बदला जई।

रिपोर्टर- शिव देवी

03/05/2017 को प्रकाशित