टूटो परो पुल, जान को खतरा

m taja khabarजिला महोबा, राठ रोड सूपा रोड, पचपहरा मंण्डी के पास। एते के पुल की पट्टी तीन महिना से टूटी परी हे। जीमें रात बिरात कभऊं भी बड़ी घटना हो सकत हे। ईखे बाद भी सासन प्रशासन कोनऊ ध्यान नई देत हे। सबसे बड़ी बात तो जा हे की ऊ रास्ता से चुनाव भर अधिकारी रात बिरात निकरें हें पे कोनऊ की नजर ऊमें नईं गई हे।
आटो चालक कजरा, सफीक ओर कल्लू कहत हे की जा रोड हाइवे हे। ईसे पूरी रात दिन हजारो साधन चलत हे। जा पुल दोनऊ केती से टूटो परो। अगर दोनऊ केती से साधन आ जात हे तो निकरत नईं बनत हे। जीसे ई पुल खा बनब बोहतई जरूरी हे। सूपा गांव की कल्ली बताउत हे की 15 दिन पेहले एक ट्रक गिरत से बच गओ हतो। नईं तो तरे गिर जातो ओ बड़ी घटना हो सकत हती। पूरे चुनाव भर एतईं से अधिकारी अपनी गाड़ी से निकरत रहें पे कोनऊ ने ठाड़ होके नईं देखो हे।
प्रान्ती खण्ड निमार्ण विभाग महोबा के बाबू विष्णू बताउत हे की ऊ पुल हमाये एते से नईं बनो हे। ऊ पुल झांसी के कोनऊ विभाग से बनो हतो। दुबारा भी ओई बनाहे।