टूटो उपकेन्द्र एएनएम परेशान

mahuaa mahila mudda.mahoba
उपकेन्द्र की टूटे पारी दीवार

 

जिला महोबा, ब्लाक पनवाड़ी, गांव महुआ। एते उपकेन्द्र में काम करे वाली ए.एन.एम. खे केन्द्र की टूटी दिवार से बोहतई परेशानी उठाउने परत हे।
एते मातृत्व शिशु कल्याण उपकेन्द्र की ए. एन. एम. रमणी आपन बीती कछु एसो बताउत हे। ऊने बताओ कि जा उपकेन्द्र 2008 में बनो हतो।  एक साल पेहले पीपल खे पेड़ गिरे से ईखी दिवाल टूट गई हती,। जभे से एसई परो हे। जीसे रात में रूक खें रहे में कोनऊ भी घटना होय खे डर बनो रहत हे। में कुलपहाड़ में ग्यारह सौ को किराए का कमरा लेके रहत हों। जीसे रोज आए जाए में बोहतई परेशानी आउत हे। अब तो सतारी, सुगिंरा,स्वासा सहित पांच गांवन खे डिलेवरी कराए खा आदेश हो गओ हे, पे केन्द्र कि दिवार टूटी होय खे कारन एते अभे आदेश नई आओ आय। अगर आदेश आ जेहे तो में का करहांे। ईखे लाने मेने केऊ दइयां डाक्टर आर.के. सक्सेना ओर सी. एम. ओ. खें लिखित दरखास दई हे। ऊने आ खे मुआयना भी करो हे, पे अभे कोनऊ सुनवाई नइयां। अपर मुख्य चिकित्सा अधिकारी डाक्टर एस.के निगम ने बताओ कि जेई रामकृष्ण विभागीय अवर अभियन्ता खें अप्रैल में आदेश दे दओ हे। जभे बजट आ जेहे तो दिवार बनवा दई जई। अपर मुख्य चिकित्सा अधिकारी डाक्टर एस.के निगम ने बताओ कि जेई रामकृष्ण विभागीय अवर अभियन्ता खंे अप्रैल में आदेश दे दओ हे। जभे बजट आ जेहे तो दिवार बनवा दई जई।