टंकी मा नहीं जात पानी

DSC08824
सूख पड़ी टंकी

जिला चित्रकूट, ब्लाक मानिकपुर, गांव रैपुरा। हिंया के सप्लाई टंकी का वाल छह महीना से खराब हवै। या कारन गांव मा पानी मशीन से सप्लाई कीन जात हवै। टंकी मा पानी नहीं जात हवै। यहिके दरखास जल संस्थान विभाग मा कइयौ दरकी दीन गे हवै, पै विभाग यहिके बारे मा एकौ ध्यान नहीं देत आय।
गांव के राज, मनीष का कहब हवै कि सप्लाई पानी नाम का हवै जघा-जघा पाइप टूट हवै, तौ गांव तक पानी नहीं पहुंच पावत हवै। प्राथमिक स्कूल तक पानी जात हवै। कइयौ दरकी आपरेटर से कहा गा हवै। गांव मा लगभग सत्तर मड़ई कनेक्शन लीने हवैं। पानी हुंवा नहीं पहुंचत आय। सात हजार के आबादी मा पानी के तबाही मची हवै।
आपरेटर शिवशंकर अउर रामलखन का कहब हवै कि छह महीना से बराबर जल संस्थान मा सूचना दीन गे हवै, तौ जेई दीक्षित शर्मा वाल बड़ी लाए हवै। या कारन वहिमा वाल नहीं सेट भे। जबै से दुइ महीना होइगे अबै तक कउनौ सामान नहीं आवा। मशीन चला के गांव मा पानी पहुंचावा जात हवै। टंकी मा पानी एक बूंद नहीं जात आय अउर गांव के पाइप भी टूट पड़े हवै।