टंकी की करत मांग

01-10-14 tanki maangजिला महोबा, ब्लाक पनवाड़ी, गांव दुलारा। ई गांव खा बसे केऊ पीढ़ी हो गये, पे अभे तक पानी की बोहतई परेशानी हे। जीसे आदमी टंकी धरवायें की मांग करत हें।
गपूर खां ओर चरन सिंह ने बताओ कि ई गांव की आबादी पैंतिस सौ ओर वोटर दो हजार हे। पे गांव में कुल छह हैण्डपम्प हंे जोन गांव के बाहर लगे हंे। जीसे पानी भरे खा एक किलो मीटर दूर जाने परत हे। रवि ओर हरगोविन्द ने कहो कि हम पहाड़ से उतर के कुंआ हैंण्पम्प जा फिर नदी को पानी भर के लाउत हें। पानी लेके जायें में डर लगत रहत हे कि अगर पांव फिसल जेहे जो हाथ पांव टूट जेहे। काय ये बस्ती पहाड़ के ऊपर बसी हे। गेंदारानी ने कहो की हैंडपम्प में दो-घण्टा लाइन लगाने परत हे।
प्रधान अयोध्या ने कहो कि मेंने 2013 मे टंकी धरायें खा प्रस्ताव बना खे महोबा भेजो हतो। सात महीना बाद टंकी धरें को सर्वे भी हो गओ हतो। पे टंकी धरायें खा जल निगम वालेन ने कछू सूचना नई दई हे की टंकी काय नई धरी हे।
महोबा सिविल जल निगम के सहायक अभियन्ता आर.के. मिश्रा ने बताओ कि टंकी धरायें खा अभे दुलारा गांव को सर्वे नई भओ हे। अगर ओते को प्रस्ताव आओ होहे तो सर्वे कराओ जेहे, मानक ओर नियम मे गांव की आबादी होहे तो ओते टंकी धरा दई जेहे।